Þroskasaga karlkynsins á hinum ýmsu tugum :-)

Þó að bondadagurinn sé rétt liðinn þá varð ég bara að setja þetta hér

Rakst á þetta hér sem rekur þroskasögu karla í bundnu máli en eftir hvern það er veit ég ekki .

 

1.

Barnaskólaárin eru mörgum fersk í minni

því miklar verða breytingarnar á líkamsstarfseminni.

Mörgum fer þá bráðlega að leiðast lestrarstritið

þá læðist gjarnan inn í kroppinn fyrsta hvolpavitið  .

 

2.

Svo í kringum fermingu þá fá menn bassaróminn

og finnast þeir vera tilbúnir til að kenna leyndardóminn.

En þetta er oftast klúður og klaufalegir fundir

því kynlífið á líka sínar raunalegu stundir   .

 

3.

Fram að tvítugsaldri er talsvert um að vera

taumleysið er algert og mikið oft að gera.

Núna er það fjöldinn sem mestu skiftir

og mörgu Grettistaki lyftir  .

 

4.

Frá tvítugu til þrítugs blómstrar lífsins leikur

löngunin er stöðug og andi holdsins veikur.

Þú lætur eins og knapi á ljónfjörugum hesti

þig langar að gera það á klukkutímafresti  .

 

5.

Frá þrítugu til fertugs eru gjarnan góðar stundir

geysilegur vilji og margir ástarfundir.

Af talsvert meiri nákvæmni þú tilfinningar metur

þú treinir þetta lengur, þu gerir þetta betur  .

 

6.

Síðan næsta tímabil fram að fimmtugsaldri

finnst þér alveg sjálfsagt að beita nýjum galdri

kroppurinn er fullur af fiðringi og vonum

þú ferð að vilja sofa hjá miklu yngri konum  .

 

7.

Þessi löngun fylgir þér fram á sextugsaldur

þér finnst þú vera töffari og svakalega kaldur.

Um sextugt fer að hrella þig viðsjáll vöðvaslaki

þú verður oftar þreyttur og tollir illa á baki  .

 

8.

Um sjötugsaldur finnst þér aftur fjörið vera að lægja

þú ferð nú yfirleitt að láta gömlu brýnin nægja.

Það miðar hægt ef vindurinn stendur beint í stefnið

þú stundar þetta bara til að halda þér við efnið  .

 

9.

Um árætt virðist sjálfsagt að hafa hug á konum

í hjartanu er ylur og löngunin að vonum.

þér finnst það slifta máli hjá meyjunum að vera

en mannst stundum ekki hvað þú ætlaðir að gera  .

 

10.

Eftir þennan tíma er löngun best að leyna

og láta ekki glepjast þó konan vilji reyna.

Í átökunum getur sálin gengið öll úr lagi

þú gætir orðið bráðkvaddur úr elli"reiðar"slagi. 

 

Þá vitum við það hvernig karlar eru á öllum áratugum

munum það svona á góðum stundum

og á hinum ýmsu fundum 

Kveðja Agný.

Athugasemdir

[Gunnar Helgi Eysteinsson, 20.1.2007 kl. 11:22]

Frábært... Nú bíð eg eftir þroskasögu kvenna

[Bragi Einarsson, 20.1.2007 kl. 12:36]

og nú skiljið þið, stelpur, hvers vegna þið verðið að vera góðar við okkur kallana!

[Jórunn Sigurbergsdóttir , 20.1.2007 kl. 13:06]

Já, við verðum að reyna að vera góðar við þá.

[Ólafur fannberg, 20.1.2007 kl. 20:51]

meiriháttar

[Sigrún Friðriksdóttir, 20.1.2007 kl. 22:48]

Flott !!!!

[Kristján Pétursson, 21.1.2007 kl. 00:37]

Frábært ljóð um tilveru okkar frá æsku til elliáranna,og "reiðarslagið"skilur á milli lifs og dauða.Yndislegur endir fyrir útbrunnið gamalmenni.

Kærar þakkir fyrir frábært kvæði.

[Agný, 21.1.2007 kl. 01:05]

Ja ..þið karlarnir virðist eiga skemmtilegt líf á hverjum áratug... en ekki við kerlurnar...hef allavega ekki fundið neitt svona ljóð um okkur.. :-(

[Sigrún Friðriksdóttir, 21.1.2007 kl. 21:48]

Geturu ekki hrist fram úr erminni eina hressilega um okkur skvísurnar

Knús Sigrún. 

[Agný, 22.1.2007 kl. 02:59]

Jú ..jú Sigrún ..held ég eigi eitthvað svoleiðis.. það er bara að finna í öllu mínu skjalasafni. púfff...við konur eru náttúrulega svo fokking "spes".þannig það er erfiðara...Það er bara einn munur á körlum og strákum ..( þessvegna svona auðvelt með þá)  en það er verðmunurinn á leikföngunum þeirra...