Greinilega ekki sama hvort að maður er "bara" Jón...eða Jónína Bjartmarz.. þegar kemur að því að fá íslenskan ríkisborgararétt....

Samkvæmt því sem hér fer á eftir, skilji ég þetta allt rétt, þá held ég að þeir sem sitji í þessari nefnd sem fjallar um það hvort eigi að veita hinum eða þessum einstaklingi íslenskan ríkisborgararétt að fara að leita sér að nýrri vinnu! 

Að konan hafi virkilega leyft sér að halda svona bulli fram eins og hún gerði þarna í viðtalinu..ja ef að viðtal á að kalla, en mér fannst Helgi Seljan vera ótrúlega góður að missa ekki stjórn á skapinu..ég held að ég hefði ekki getað það ......

Læt hér úrdrátt úr Lög um íslenskan ríkisborgararétt  en eftir því sem segir hér þá er ekki séns að nefndin hafi ekki vitað tengslin á milli tiltekinnar stúlku og Jónínu....

[5. gr. a. Dómsmálaráðherra er heimilt, að fenginni umsögn lögreglustjóra á dvalarstað umsækjanda og [Útlendingastofnunar],¹⁾ að veita íslenskan ríkisborgararétt samkvæmt umsókn sem borin er fram af umsækjanda sjálfum, eða forsjármönnum hans hafi hann ekki náð 18 ára aldri, enda fullnægi hann eftirgreindum skilyrðum um búsetu, hegðun og framfærslu: 

A. Búsetuskilyrði. 
1. Umsækjandi hafi átt hér lögheimili í sjö ár; ríkisborgari í einhverju hinna Norðurlandanna þó einungis í fjögur ár.

2. Umsækjandi, sem er í hjúskap eða staðfestri samvist með íslenskum ríkisborgara, hafi átt hér lögheimili í þrjú ár frá giftingu/stofnun staðfestrar samvistar, enda hafi hinn íslenski maki haft íslenskan ríkisborgararétt ekki skemur en fimm ár.

3. Umsækjandi, sem býr í skráðri sambúð með íslenskum ríkisborgara og bæði eru ógift, hafi átt hér lögheimili í fimm ár frá skráningu sambúðarinnar, enda hafi hinn íslenski ríkisborgari haft ríkisborgararétt ekki skemur en fimm ár.

4. Umsækjandi, sem á íslenskan ríkisborgara að öðru foreldri, hafi átt hér lögheimili í tvö ár, enda hafi hið íslenska foreldri haft ríkisborgararétt ekki skemur en fimm ár.

5. Umsækjandi, sem verið hefur íslenskur ríkisborgari, en hefur gerst erlendur ríkisborgari, hafi átt hér lögheimili í eitt ár.

 6. Flóttamaður, sem fullnægir skilgreiningu í alþjóðasamningi um stöðu flóttamanna sem gerður var 28. júlí 1951, hafi átt hér lögheimili sem slíkur í fimm ár.

7. Reglur þessar miðast við lögheimili og samfellda dvöl hér á landi. Heimilt er að víkja frá því skilyrði þótt dvöl umsækjanda hér hafi verið rofin allt að einu ári vegna tímabundinnar atvinnu eða af óviðráðanlegum ástæðum, svo sem vegna veikinda nákomins ættingja, en þó allt að þremur árum vegna náms erlendis. Sá tími, sem umsækjandi hefur átt hér lögheimili og dvöl, verður þó að vera að minnsta kosti jafnlangur þeim tíma sem hann verður samkvæmt áðurgreindum reglum að uppfylla.

B. Önnur skilyrði. 
1. Umsækjandi sé að áliti tveggja valinkunnra manna starfhæfur og vel kynntur þar sem hann hefur dvalist.

2. Umsækjandi geti framfleytt sér hérlendis með hliðsjón af þeim upplýsingum sem koma fram í umsókn og hafi ekki þegið framfærslustyrk frá sveitarfélagi síðastliðin tvö ár.

3. Umsækjandi hafi ekki sætt varðhalds- eða fangelsisrefsingu eða eigi ólokið máli í refsivörslukerfinu þar sem hann er grunaður eða sakaður um refsiverða háttsemi.

Athugasemdir

[Jórunn Sigurbergsdóttir , 30.4.2007 kl. 19:42]

Kvitt Agný mín. Æ ég veit ekki hvað skal segja.

[Agný, 30.4.2007 kl. 19:56]

Ég viðurkenni að mér finnst svona verklag þeirra sem eru ráðherrar og eða alþingismenn okkar ekki við hæfi...en það er svo sem ekki í fyrsta skifti sem þessir einstaklingar telja sig hafna yfir lög og reglu og sitji ekki við sama borð og við hinn almenni borgari..

Eru það ekki þessir einstaklingar sem eiga nú að vera fyrirmynd okkar hins almenna borgara?  En það kæmi mér ekki á óvart að þetta mál eigi eftir að hafa meiri aðdraganda en er komið í ljós núna....

[Ólafur fannberg, 30.4.2007 kl. 22:19]

kvitt hér lika

[Svava frá Strandbergi , 30.4.2007 kl. 23:53]

Kvitta líka hér.

'Ég veit ei hvað skal segja, en ég held ég elski hann Jón' 

[Vilborg Traustadóttir, 1.5.2007 kl. 01:33]

Hvað mynduð þið gera í hennar sporum? 

[Agný, 1.5.2007 kl. 14:39]

Mér fannst bara konan engan veginn vera trúverðug í sínum málflutningi..og það er allavega einhverjum sem hefur fundist eitthvað athugavert við þessa veitingu annars hefði þetta ekki verið gert að svona fréttabombu.....

en svolítið sérkennilegt að tengdadóttir hennar þurfti ekki að vera búin að búa hér á landi þessi þessi 7ár sem þarf til að eiga rétt á að sækja um ríkisborgararétt  en henni nægja 15 mánuðir..... Það finnst mér mjög svo undarlegt .. og svo öðrum neitað á sama tíma sem voru búnir að vera mikið lengur en hún....

Þetta flokka ég þannig að það sé sko ekki sama hverjum maður tengist eða inn í hvaða fjölskyldu..

[Guðrún Magnea Helgadóttir, 1.5.2007 kl. 15:35]

Sæl Agný. Ég held að flest okkar viti um spillinguna sem alsráðandi er hérna! Stjórnmálamenn á Alþingi veita vinum sínum hverskonar vinargreiða svo sem að skrifa uppá ríkisborgararétt fyrir nýja fjölskyldumaðlimi...

Í Kastljósi RUV í gærkvöldi upplýsti þáttarstjórnandinn okkur um að Bjarna Benediktsyni (D) formanni utanríkisnefndar hefði verið boðið að koma í Kastljósið og upplýsa okkur um mál tengdadóttir Jónínu Bjartmars utanríkisráðherra.

Bjarni sá sér ekki fært að mæta og ég efast stórlega að þeir í nefndinni hafi kjark til al ljúga sig út úr vandræðunum.

Gleymum ekki aðgangi íslendinga að námsjóði,,, Íslenskra Námsmanna!

[Guðrún Magnea Helgadóttir, 1.5.2007 kl. 16:04]

Ætlaði að segja Alsherjarnefnd en varð einhvernveginn fótaskortur á fingrunum og skrifaði utanríkisnefnd.