EKKI SPILLA MÉR. (ágæt áminning...)

Ekki spilla mér. Ég veit vel, að ég á ekki að fá allt, sem ég bið um, ég er bara að prófa þig.

 

 

 

Ekki hika við að vera ákveðin við mig, ég kýs það frekar, það veitir mér öryggi.

 

 

 

Ekki leyfa mér að temja mér slæma ávana, ég verð að treysta á þig, að þú upp­götvir þá strax í byrjun.

 

 

 

Ekki láta mig finnast ég smærri en ég er, þá hegða ég mér kjánalega til að sýna,  hvað ég er stór.

 

 

 

Ekki leiðrétta mig í áheyrn annarra, ég hlýði miklu frekar, ef þú talar við mig í einrúmi.

 

 

 

Ekki láta mig líta á glappaskot mín sem þau væru glæpur, það myndi rugla mig svo í verðmætamati mínu.

 

 

 

Ekki hlífa mér við afleiðingunum. Stundum þarf ég líka að læra af reynslunni, þó það sé ekki alltaf sársaukalaust.

 

 

 

Ekki æsa þig upp, þótt ég segist "hata" þig. Það ert ekki þú, sem ég "hata", heldur það vald, sem þú hefur til að hindra mig.

 

 

 

Ekki gera of mikið úr óþekktinni í mér, ég nota hana stundum til að ná athygli þinni.

 

 

 

Ekki þrasa, þá 1æt ég bara sem ég heyri ekkert.

 

 

 

Ekki gleyma því að ég get ekki tjáð mig eins og ég vildi, þess vegna er ég ekki alltaf sjálfum mér samkvæmur.

 

 

 

Ekki gefa mér loforð, sem þú getur ekki haldið, ég yrði fyrir svo miklum von­brigðum.

 

 

 

Ekki treysta um of á heiðarleika minn. Það er auðvelt að hræða míg svo ég segi ósatt.

 

 

 

Ekki vera sjálfri þér ósamkvæm, það ruglar mig alveg og ég þori ekki að treysta þér.

 

 

 

Ekki gera lítið úr ótta mínum, hann er oft svo raunverulegur, en þú getur hjálpað mér að yfirvinna hann, ef þú reynir að skilja hann.

 

 

 

Ekki daufheyrast, þegar ég spyr spurninga, þá hætti ég að spyrja þig og leita til annarra eftir svörum.

 

 

 

Ekki gefa í skyn, að þú sért fullkomin og gallalaus. Það verður svo mikið áfall fyrir mig, þegar ég kemst að því að þú ert hvorugt.

 

 

 

Ekki líta á það sem niðurlægingu að biðja mig afsökunar. Mér hitnar um hjartað, ef þú biðst fyrirgefningar í einlægni, og mér þykir enn vænna um þig en áður.

 

 

 

 

Ekki gleyma, hversu hratt ég vex og þroskast. Það hlýtur að vera erfitt að fylgja mér eftir, en reyndu samt.

 

 

 

Ekki gleyma hversu gaman mér þykir að finna upp á einhverju nýju og prófa mig áfram. Ég myndi ekkert þroskast, ef ég fengi það ekki, svo reyndu að

 umbera mig. 

Ekki gleyma, að án mikillar ástar og skilnings, þrífst ég ekki, en það veistu nú þegar, er það ekki?

Athugasemdir

[Brynjar Jóhannsson, 5.8.2007 kl. 23:09]

Þetta eru VIRKILEGA fallegar PÆLINGAR.... hvaðan kemur þetta eiginlega... þetta minnir dálítið á SEN speki að mörgu leiti...  

[Lárus Gabríel Guðmundsson, 6.8.2007 kl. 01:31]

Flott orð og svo sem sjálfsagðar kröfur ef maður getur lagt þetta allt á minnið  

[Guðrún Magnea Helgadóttir, 6.8.2007 kl. 12:24]

Sæl Agný. Eitthvað segir mér að þú sért búsett í Borgarnesi og lífspælingar þínar séu vegna nálægðar við Snæfellsjökulinn...

Ef til vill ertu búsett einhversstaðar annarsstaðar og alsfjarri jöklinum sem ég nefndi og hefur visku þína frá einhverju öðru...

Ástæðan fyrir því að ég set þetta á blað er að fyrir mörgum árum átti ég búsetu í Borgarnesi og á þeim árum fór mig að dreyma og draumarnir voru það sterkir að ég man þá alla tið'... Vegna þessara draumfara minna hitti ég Jónu Rúnu Kvaran miðil en hún sagði Jökulinn hafa dulrænan mátt og til að skynja hann þyrfti viðkomandi að snúa höfðalagi rúmsins í áttina að honum þannig að orkan streymdi í gegn óhyndrað frá höfði til táar. Þegar ég athugaði staðsetningu rúmsins míns sá ég að höfuðgaflinn sneri í áttina að jöklinum.

Núna eru margir af þessum gömlu draumum að koma í ljós þótt ótrúlegt sé. En lífspælingarnar þínar eru góðar, gangi þér vel.

[Agný, 6.8.2007 kl. 13:39]

Ég verð að játa það að ég man bara alls ekki hvar ég fékk þetta...En þetta eru allavega góðar ábendingar til okkar sem eigum börn..eða erum í því að ala upp börn og vinna með ..

Já það er rétt Guðrún að ég bý í Borgarnesi en ekki snýr höfðagaflinn í átt til jökulsins..En ég bý í gamla 1919 sem þú örugglega veist hvaða hús er  og það err mikil orka í klettunum sem húsið er byggt inn í svo gott sem Mig dreymir svo sem undarlegustu drauma oft sem að rætast að einhverju leiti ....

[Sigrún Friðriksdóttir, 6.8.2007 kl. 16:15]

Flottar hugleiðingar !!!

Knús og klem 

[Jórunn Sigurbergsdóttir , 7.8.2007 kl. 11:47]

Kvitt Agný mín.

[Svava frá Strandbergi , 7.8.2007 kl. 15:50]

Góðar hugleiðingar!

[Magnús Paul Korntop, 7.8.2007 kl. 16:58]

Þetta kallar maður sko hugleiðingar,á við okkur flest held ég.