Fréttamenn KOMPÁS gjaldfelldu sig rækilega núna.

Það er víst óhætt að segja að fréttamenn ja eða hvað á eiginlega að kalla fólk sem flytur fréttir eins og þeir gerðu núna í kvöld hjá KOMPÁS..hafi gjaldfellt sig rækilega í mínum huga allavega..

Þó svo að eitthvað sé satt af því sem þeir segjast vera með gögn um gagnvart Guðmundi og Byrginu þá finnst mér það mjög svo einlitur og lélegur fréttaflutningur að vera bara með viðtöl við 2 aðila sem segja mjög svo eins sögu, af öllum þeim hóp sem komið hefur í Byrgið á þeim tíma sem það hefur verið starfrækt.

Góður fréttaflutningur er að sýna báðar hliðar málsins sem fjallað er um, ekki bara aðra hliðina.
Þegar fréttaflutningurinn sýnir bara aðra hliðina þá er ekki lengur verið að segja frétt heldur er komið  út í æsfregna stílinn..sem sé markmið orðið það eitt að vera með frétt,  en málið og manneskjurnar sem koma við sögu skifta í raun engu. 

 Það er svo svo sem þörf á fréttamennsku sem flettir ofan af spillingu en þegar flutningurinn er svona einslitur eins og var í kvöld...þá held ég að KOMPÁS  sé búinn að vera sem marktækur fréttaskýringaþáttur.  Það hafa því miður manneskjur svipt sig lífi eftir umfjallanir fréttamanna sem sveipaðar voru einmitt æsifregna blæ. Við skulum vona svo verði ekki núna!

Athugasemdir

[Gunnar Helgi Eysteinsson, 18.12.2006 kl. 11:22]

Ég hef oft séð fréttaþætti þar sem þingmenn eða ríkisstarfsmenn flýja fréttamenn og rjúka í burtu og ég hef hugsað: Þið þarna “aumingjar” svarið fyrir ykkur!

Rétt fyrir kosningar, hér í Svíþjóð, þá var hringt á dyrabjölluna og ég fór til dyra. Fyrir utan stóð ein stjórnmálakona og fréttamenn með myndavél í gangi… Ég er maður með mikið af skoðunum, en ég fraus og hugsaði: Ef ég segi eitthvað vitlaust, þá er ég dæmdur maður.

Þótt að það sé munur á mér og fjölmiðlavönum stjórnmálamanni þá finnst mér að blaðamenn/ fréttamenn eigi að gera sér grein fyrir því að þeir eru með vald sem getur skaðað manneskju alvarlega.

[Agný, 18.12.2006 kl. 13:51]

Einmitt Gunnar.  Ég hef sjálf leyft að birtar væru upplýsingar í blaði og það gegnum síma og hefði ekki verið beðið um mynd degi áður en blaðið fór í prent..ja púff..þá hefði ég sko rústað þeim málaflokk enn meira en ég gerði ef ég hefði ekki fengið að lesa yfir.. En ef að hefði ekki verið beðið um mynd þá hefði ég ekki fengið að lesa yfir..bara af því ég heimtaði það.. þá gat ég fengið að breyta..

Maður er svo sem alltaf dæmdur af ýmsum aðilum...annað hvort fyrir að vera með alltof fastmótaðar skoðanir ..eða viljalaus gunga sem þorir ekki að segja neitt.. þannig..þá vil ég vil frekar vera það fyrra.. maður fellur þó eða stendur þó með sjálfum sér...  ég er sennilega ekki mjög "þjóðfélagsvæn" ja þæg...manneskja ...

En svona fréttaflutningur eins og var í KOMPÁS er ekki alveg í lagi.."aðgát skal höfð í nærveru sálar"  og það þarf enginn að segja mér það að það hafi ekki verið eitthvað af börnum sem horfðu á þáttinn...svo var það ljótasta akkúrat það sem sýnt var brot úr í fréttatímanum..næs...þó svo þátturinn væri stranglega bannaður börnum.. og sýndur um 22:30 ...meira ruglið...

[Jórunn Sigurbergsdóttir , 18.12.2006 kl. 15:01]

Hafði ekki tök á að sjá þáttinn en þetta er nú ljóta málið finnst mér.

[Pétur Maack Þorsteinsson (IP-tala skráð) 19.12.2006 kl. 15:01]

Þetta var ekki einhliða fréttaflutningur, Guðmundi gáfust tækifæri til að svara fyrir sig og hann gat hvorki svarað ávirðingum um kynferðislega minseytingu né heldur um fjármálaóreiðu - hafi umfjöllunin verið einhliða er það því ekki síst verk hans sjálfs.

[halkatla, 19.12.2006 kl. 19:45]

það verður að sjálfsögðu að taka á svona máli, þarsem um nokkurskonar trúarsöfnuð er að ræða, en ég get alveg tekið undir það að þetta var EKKI vönduð uppsetning á þætti, þeir hefðu átt að taka aðeins lengri tíma í að gera þetta og finna FLEIRI en 2 ásakendur, það er alveg rétt. Þetta skilur mann bara eftir með óbragð í munninum, en mér finnst það versta að svona gerist meðal trúaðra. Það er óbærilega ógeðslegt. Hvort sem eitthvað kinky gerðist eða ekki, þá eru svona lygar, árásir og hræsni alveg viðbjóðslegar. Mér finnst margir hafa gagnrýnt kompás einum of, en þú hittir á réttu atriðin sem ég er fullkomlega sammála. Fólk níðist mjög oft óvart á fórnarlömbum í svona málum eftir að þau stíga fram, en þú gerðir það ekki, sem er gott. Hræðilegast í þættinum fannst mér vera þegar hann dróg konuna sína inní málið. Persónulega ef ég tjái mig um hvað ég hefði gert, þá hefði ég í hans stöðu (sem saklaus, segjum það bara) tekið þann kost að þegja alveg. Hann rægði konuna sína mjög mikið og mér fannst það verst í þættinum.

[cctop (IP-tala skráð) 21.12.2006 kl. 00:44]

hummm.....finnst engum nema mér ekkert undurfurðulegt við það að Guðmundur var ekki spurður neitt út í þessi myndskilaboð? ( lille ven) Það voru þau sem felldu hann að mínu áliti! Allt annað var hægt að bera til baka!