" Minni kvenna" ... það sem segir hér fittar sko nokkuð vel :-)

Minni kvenna.

eftir Unni Halldórsdóttir

Að flytja minni kvenna er fallegasti siður,

og fráleitt þarf að óttast að hann detti alveg niður,

því konurnar á Íslandi ótal afrek vinna,

aðeins á þau stærstu ætla ég að minna.

Þær mennta sig og læra og lyfta grettistaki,

og láta ekki bugast þó einhvern tíma taki,

nei, kostum sínum eru þær alls ekki að flíka.

Þær geta lifað einar en aumka sig gjarna,

yfir einhvern karlmann, sem óðar fer að barna.

Erfiðasta hlutverkið þeim auðvitað er fengið,

því aldrei gæti karlinn með afkvæmið sitt gengið.

Meðgönguna alla þær verkefni sín vinna,

og varla heyrast æmta er hríðarnar þær finna.

Um hjálp í sjálfri fæðingunni heldur ekki biðja,

þær hafa nóg að gera maka sinn að styðja.

Heim með litla angann á öðrum degi snúa,

og allan sólarhringinn þær að honum svo hlúa.

Ef barnið fær í magann er móðirin sú eina,

sem meðulin því gefur og flink er hún að skeina.

Hún syngur gamla Nóa, bænir les og bækur,

bætir göt á sokkum og styttir nýjar brækur.

Snýtir, greiðir, skammar, hrósar eða huggar,

hoppar, ýtir, dregur, kyssir bágt og ruggar.

Fyrir utan þetta þykir ekki mikið,

þó hún skúri og bóni og dusti mesta rykið.

Setji þvott í vélinaog stundum líka strauji,

því stífpressaðar bóndinn skal vera fínn í taui.

Heitan mat á  kvöldin hér má ekki vanta

og húsbóndinn er duglegur steikina að panta.

Í mömmu sinnar krásir hann kanski stundum vitnar,

og kvartar þegar tölurnar af skyrtunum eru slitnar.

Manninn sinn til dáða daglega hún hvetur,

en dugnað sinn undir mæliker venjulega setur.

Þó hún sé á hlaupum og hafi nóg að gera,

honum finnst að lekker og smart skuli hún vera.

Sæt og fín um hárið og falleg eins og dúlla,

og fús við hann að gæla og hjá honum að lúlla.

Út á vinnumarkaðinn einnig má hún fara,

því ekki er víst að maki hennar kunni neitt að spara.

Hann þarf nýjar vöðlur, veiðileyfi og jeppa,

og væntanlega beislinu fram af sér að sleppa.

Með reikningana í Vörðuna venjulega fer hún,

og Visakortaskiftinguna reglulega sér hún.

Karlinum hún hlífir og tíkallana telur,

í tilfallandi blankheitum bjórdósirnar selur.

Ef seilist hún til forystu, frekja er hún talin,

og framyfir í embættin er karlmaðurinn valinn.

Ef að hún er hógvær og heyrist sjaldan gjamma,

hana fyrir dugleysi einhverjir víst skamma.

Því getur verið vandasamt að vera bara  kona,

og varla myndu karlarnir sætta sig við svona.

En konur eru hetjur og heyrast sjaldan kvarta,

það hyllir líka óðar  undir framtíðina bjarta.

Karlpening til undaneldis þær ekki þurfa að nota,

já, ekki er víst við fáum hér okkar að ota okkar tota.

Því mannskepnuna vísindin vísast munu klóna,

þá verður ekki þörf fyrir Kalla eða Jóna.

Því ættum við nú, strákar mínir, stöðuna að laga,

strjúka okkar konum og þakka alla daga,

fyrir þeirra dugnað og umhyggju við okkur.

Ætli þeirri tillögu mótmæli hér nokkur,

að karlarnir á staðnum sem sjaldan heyrast þegja,

syngi núna kröftuglega Fósturlandsins Freyja.

Ég þakka áheyrnina og lýk hér ljóðamáli

og legg til að fyrir konunum allir núna skáli.

Athugasemdir

[Jórunn Sigurbergsdóttir , 31.3.2007 kl. 22:39]

Flott og vel samið. Þó eigum við konur ekki allt þetta. Það eru ekki allar konur hetjur eða svona og ekki allrir menn eins og lýst er þarna en hvað um það ,þetta er frábært. Knús og takk fyirir að birta þetta.

[Sigrún Friðriksdóttir, 1.4.2007 kl. 14:18]

Frábært !!!

Og takk fyrir kommentið Agný, en ég svaraði þér á blogg inu mínu

[Sigrún Friðriksdóttir, 1.4.2007 kl. 16:34]

Ég gleymdi að segja þér að fitta eða fitte er norska fyrir píku, passar vel eftir Píkuskrækina sem þú bloggaðir um um daginn

Svo ég sá píkur sko nokkuð vel hehehe

[Agný, 2.4.2007 kl. 00:34]

Já Jórunn þetta er virkilega vel gert hjá Unni...mér skilst að hún sé alveg frábær veislustjóri líka.Já Sigrún það er ýmis nöfn sem þetta mikilvæga líffæri okkar kvenna getur valið um..En mér finnst þetta nafn sem "píkan" kallast í Tantra fræðunum verulega gott "yoni" og hjá körlum  er "lingam"  notað fyrir "tippi" en einhvern veginn finnst mér þessi nöfn passa vel  ( best að segja ekki "fitta"  )

[Svava frá Strandbergi , 2.4.2007 kl. 03:19]

Þetta er sniðugt kvæði. Er það eftir konu?
Lingam er fínt nafn á typpi, þau eru eitthvað svo linguleg.
En yony minnir mig nú bara á nafnið á henni Joko Oni sem var gift John Lennon..

[Kristján Pétursson, 6.4.2007 kl. 22:58]

Kærar þakkir Agný fyrir að birta þetta áhugaverða og fallega ljóð Unnar Halldórsdóttur.Þetta fer í ljóðasafnið mitt,sem þörf lesning fyrir okkur karlana.

[Agný, 7.4.2007 kl. 12:41]

Ég hugsa að Unnur verði bara mjög stolt af því að þú Kristján setjir ljóðið  hennar í ljóðasafnið þitt.