ORÐ TIL UMHUGSUNAR úr For today & tomorrow, daily encouragement, Daisaku Ikeda

 Fékk leyfi vinkonu minnar til að setja þýðingu hennar hér úr  "For today & tomorrow, daily encouragement", Daisaku Ikeda 

Mér finnst þessar leiðbeiningar allavega höfða mjög mikið til mín þessa dagana og líka vera þörf áminning fyrir mig...

Þetta var fyrir 10 des...

Við verðum að byggja traustar undirstöður; við verðum að vera sterk. 

Innri styrkur er forsenda hamingju, forsenda þess að framfylgja réttlæti og skoðunum sínum. 

Ein af nafnbótum Búdda er “Sá sem getur sýnt umburðarlyndi.”

Að takast hugrakkur á við, þola, þrauka og sigrast á öllum erfiðleikum – Búdda er hin algjöra holdtekja þeirrar dyggðar sem umburðarlyndi er. 

Kraftur trúarinnar gefur okkur styrkinn sem við þurfum til að standa af okkur og lifa af hvern storm.  Þrautseigja er kjarni Búdda.

Þetta fyrir 8.des.

Lífsgleði er ekki einungis þín persónulega eigingjarna hamingja.  Né heldur er það að gera aðra hamingjusama á kostnað þinnar eigin hamingju. 

Þú og aðrir að gleðjast saman, þú og aðrir að verða hamingjusöm saman – það er hið leynda lögmál og hið undursamlega við okkar hlið á kosen-rufu. 

Daishonin segir, “Gleði þýðir að maður sjálfur og aðrir eigi visku og samúð”. (Gosho Zenshu, p. 761).

5. desember

 Ef þú stundar trú þína en ert samt síkvartandi, muntu eyðileggja hamingju þína í sama hlutfalli.

Þeir sem eru síkvartandi ávinna sér ekki virðingu annarra.

Bæði frá búddísku og veraldlegu sjónarhorni, mun hegðun þeirra ekki sæma vitri eða mætri manneskju.

Þýtt úr For today & tomorrow, daily encouragement, Daisaku Ikeda

Lára Þórisdóttir

Athugasemdir

[Jórunn Sigurbergsdóttir , 13.12.2007 kl. 17:12]

Góðir púnktar og ekki síst þetta með kvartið.

[Agný, 14.12.2007 kl. 01:14]

Já við erum víst flest öll aðeins of dugleg við það Jórunn, svona stundum að minnsta kosti í því að kvarta og kveina og gleymum að þakka fyrir það góða sem við höfum eða höfum átt/haft.  En svo erum við líka svo góð í því að sjá bara það neikvæða/slæma  en ekki það góða / jákvæða bæði í aðstæðum og fólki...fátt er bara svart eða hvítt..

[Vilborg Traustadóttir, 14.12.2007 kl. 13:31]

Takk.  Gleðin er mitt "mottó"!!!

[Birgitta Jónsdóttir, 14.12.2007 kl. 13:37]

Takk fyrir gullmolana frá Ikeda. Hef lesið töluvert eftir hann. Var svo lánsöm að þýða samtöl sem hann átti við Gorbachev og fékk góða innsýn inn í hugarheim hans.

Hygg að þakklætið sé eitt það mesta galdratæki sem manneskjunni var gefið.

[Georg P Sveinbjörnsson, 14.12.2007 kl. 16:21]

Takk fyrir góða grein, ég leita mikið í skrif Dalhi Lama og finnst hann alltaf hafa eitthvað bitastætt að segja og ég hrífst af öfgaleysi Búdda heimspekinnar, ég þarf að skoða Ikeda betur greinilega.