MYNDIR FRÁ OPINBERUN LISTAHÁSKÓLANS OG AF MIS ÞEKKTUM EINSTAKLINGUM.

Ég var svo "heppin" að vera viðstödd þegar var verið að "opinbera" það hvernig hinn svokallaði Listaháskóli á að líta út..svona allavega hannaður í tölvu ...verið að veita viðurkenningar og verðlaun fyrir bestu hönnunina á skólanum..

Náði slatta af myndum af mis frægum einstaklingum... og deili þeim hér með ykkur.....

Málið er að ég er að vinna (Höfuðbeina og spjaldhryggsjöfnun..) niður á Laugavegi 43  (Verslunin Vínberið )en það er víst á þessum stað sem Listaháskólanum er ætlað að vera .....

 

 

 

Skilst að eigi að rífa Laugaveg 43, 41 a og b og jafnvel fleiri hús þarna...List þarf víst mikið pláss..

 

 þetta hljómaði allt svo sem voða vel það sem þessi skóli á að standa fyrir ..svo á eftir að koma í ljós þær

efndir sem og með ýmis loforð fyrir kosningar...

 

 

 En hversvegna er verið að mála og flikka upp á þessi hús þarna við Laugaveginn sem á svo að rífa eftir ca 1-3 ár...?

En hvað með að staðsetja skólann í Borgarnesi?

Það er jú í gegnum Borgarnes sem allir þurfa að fara sem ætla sér annaðhvort nyðri leiðina til höfuðborgarinnar sama hvaðan þeir koma ef þeim þóknast ekki að sitja í maskínu ofar jörðu... Nú eða aðrir sem ætla sér norður, vestur eða austur á land..gegnum Borgarnesið blessaða þurfa þeir að fara...Like it or not...

Þannig...Listaháskólann í Borgarnesið!!! Ekki Laugaveginn...

Hvar eiga svo bílastæðin að vera fyrir tilvonandi nemendur?

Eða á að fara að hafa stræto ferðir fríar? Je jú ræt....Það eru sko næg bílastæða vandræði fyrir...En kanski bensínverðið verði orðið svo hátt þegar að skólinn kemmst á laggirnar að allir fara sínar ferðir á tveim janfljótum/lötum..nú eða maður fer a nota þarfasta þjón Íslands almennt aftur....Eða þá að þegar þetta dæmi verður loksins orðið að veruleika að þá verði tæknin orðin svo mikil að við verðum komin á "svif" bíla sem verður svo bara"húkkað" í þar til gerða hringi á þakinu -festir með akkeri sem skip-sem sé "flug" skip...alias bíll...

Nei svona án gríns....þá hættir okkur íslendingum mjög oft að gleyma þessu máltæki...

" Í upphafi skyldi endirinn skoða"....

Læt þetta duga núna en set restina inn á Myndaalbúmið....

MYNDIR AF UNDARLEGUM SKÝJUM.. STRANGE CLOUDS -KANSKI FELUSKÝ FYRIR UFO ? ?

Ég varð að æða út og taka myndir af þessum undarlegu skýjafyrirbrigðum og líka flottu sólarlagi en var úti alveg um miðnætti....

Ég læt þessar myndir sem ég smellti af allar hérna (fæstir virðast skoða myndaalbúm) 

Mynd 1.  Er tekin af lóð Grunnskólans.....ég varð að hafa allan pakkann á við öll elementin...með á myndinni..tré = jörð, sjó = vatn, sól = eldur , himinn/ský = loft.

 

 

Mynd 2. og mynd 3. Zoomaði inn stærsta skýið og svei mér þá að maður haldi bara ekkiþað geti verið UFO i felum þarna.   Meira að segja nokkur UFO..svona eins og  "móðurskip"og hin séu "dverg"skip.

Þetta er áfram við Grunnskólann..en déskoti er maður mikill klaufi að setja myndir inn hér svo að vel fari, ef ég væri að prjóna peysu þá held ég að ég væri sko næstum því búin að rekja hana alla upp...

 Best að halda áfram að troða myndunum hér en ég held að endi með því að ég hafi skipulagt kaos..

Vona að þið hafið gaman af þessum myndum.... 10 fyrstu myndirnar eru teknar frá skólanum nokkrar við merki Borgarness og af því...Restin er tekin úti í Brákarey..

 

Light in the dark.

When you are,
sad in
the darkness.
Then remember:

You only
need,
little
of light,
and love.

For to
morrow,
light
will indeed,

with its
brightness,
win the
fight.

Copyright ©2007 Ingibjorg Gunnlaugsdottir

Ráð frá konu til (yngri) kvenna.. ;-)

Útlitið getur komið þér inn fyrir dyrnar, en heilinn og persónuleikinn heldur hurðinni opinni  þannig að hún skelli ekki í bakið á þér.

Á tvítugsaldri hefur þú áhyggjur af því hvað aðrir hugsa um þig.

Á þrítugsaldri hættir þú að hafa áhyggjur af því hvað öðrum finnst...

Á fertugsaldri áttar þú þig á því að enginn var að hugsa um þig.

Gerðu þér það upp þangað til það verður raunverulegt !

Ef þú leikur prímadonnu, þá verður þú prímadonna.

Vertu stolt á góðum dögum og reyndu að lifa af þá slæmu.

Menn eru óöruggari en konur.

Kvennímynd kemur frá fjölmiðlunum og er ekki endilega málið.

Að brosa, gerir þig uppréttari og stærri.

Annað, láttu aldrei sjást í böndin á brjóstahaldaranum, aldrei !

Ef þú elskar ekki og virðir sjálfa þig, verður erfitt fyrir aðra að gera það.

Jafnvel Cindy Crawford vaknar ekki og lítur út eins og Cindy Crawford.

Guð skapaði þig, hann skapar ekkert rusl.

Öryggi er einn mest kynþokkafyllsti eiginleiki sem þú getur haft.

Aldrei telja sjálfri þér trú um að þú getir ekki öðlast allt sem þú vilt, vegna þess að þú ert ekki eins og stelpurnar á forsíðum tískublaðanna.

Gleymdu aldrei hversu ævintýragjörn þú varst þegar þú varst þriggja ára, hún er þarna einhvers staðar ennþá.

Byrjaðu á því að hugsa um líkama þinn núna, það verður erfiðara seinna meir.

Fegurð er stigvaxandi samansafn af yndislegum hlutum sem við gerum fyrir okkur og aðra.

Safnaðu þeim saman og vænstu þess að verða eins falleg og þú getur þegar þú verður eldri. 

Enginn getur látið þér líða óæðri eða lakari án þíns samþykkis.

Heimurinn er hrjúfur og fólkið raunverulega dæmir þig út frá framkomu eða útliti.

Hlutir sem þú hatar í dag, muntu elska síðar þegar þú ert þroskaðri.

Þú þarft aðeins að passa í fötin þín, lífsstílinn og hurðargáttina.

Lífið verður betra með aldrinum.

Bros er fallegasti skartgripurinn.

Við erum svo fastar í Barbie ímyndinni, að við gleymum því hversu áríðandi það er að fylgja hjartanu.

Frá fæðingu til dauðadags, fangaðu hvert augnablik af jákvæðni, svo þú munir ekki sjá eftir neinu.

Ekki drepa sjálfa þig til þess að verða grönn, vertu aðeins hamingjusöm og glöð.

Aldrei mun nokkur maður meta útlit þitt eins hörkulega og þú vilt.

Ekki vera í sólinni.

Hugsaðu um sjálfa þig eins og ostru.

Líkami þinn er eins og skel.

Hugsaðu um hana og hún mun hugsa um þig.

En raunverulega "þú" kemur innan frá, falleg og einstök perla.

Þú ert dýrmæt og falleg á allan hátt.

P.S. held að við kvenkynið hefðum allar gott af að skoða þetta án tillits til aldurs...

Kveðja Agný.

" Minni kvenna" ... það sem segir hér fittar sko nokkuð vel :-)

Minni kvenna.

eftir Unni Halldórsdóttir

Að flytja minni kvenna er fallegasti siður,

og fráleitt þarf að óttast að hann detti alveg niður,

því konurnar á Íslandi ótal afrek vinna,

aðeins á þau stærstu ætla ég að minna.

Þær mennta sig og læra og lyfta grettistaki,

og láta ekki bugast þó einhvern tíma taki,

nei, kostum sínum eru þær alls ekki að flíka.

Þær geta lifað einar en aumka sig gjarna,

yfir einhvern karlmann, sem óðar fer að barna.

Erfiðasta hlutverkið þeim auðvitað er fengið,

því aldrei gæti karlinn með afkvæmið sitt gengið.

Meðgönguna alla þær verkefni sín vinna,

og varla heyrast æmta er hríðarnar þær finna.

Um hjálp í sjálfri fæðingunni heldur ekki biðja,

þær hafa nóg að gera maka sinn að styðja.

Heim með litla angann á öðrum degi snúa,

og allan sólarhringinn þær að honum svo hlúa.

Ef barnið fær í magann er móðirin sú eina,

sem meðulin því gefur og flink er hún að skeina.

Hún syngur gamla Nóa, bænir les og bækur,

bætir göt á sokkum og styttir nýjar brækur.

Snýtir, greiðir, skammar, hrósar eða huggar,

hoppar, ýtir, dregur, kyssir bágt og ruggar.

Fyrir utan þetta þykir ekki mikið,

þó hún skúri og bóni og dusti mesta rykið.

Setji þvott í vélinaog stundum líka strauji,

því stífpressaðar bóndinn skal vera fínn í taui.

Heitan mat á  kvöldin hér má ekki vanta

og húsbóndinn er duglegur steikina að panta.

Í mömmu sinnar krásir hann kanski stundum vitnar,

og kvartar þegar tölurnar af skyrtunum eru slitnar.

Manninn sinn til dáða daglega hún hvetur,

en dugnað sinn undir mæliker venjulega setur.

Þó hún sé á hlaupum og hafi nóg að gera,

honum finnst að lekker og smart skuli hún vera.

Sæt og fín um hárið og falleg eins og dúlla,

og fús við hann að gæla og hjá honum að lúlla.

Út á vinnumarkaðinn einnig má hún fara,

því ekki er víst að maki hennar kunni neitt að spara.

Hann þarf nýjar vöðlur, veiðileyfi og jeppa,

og væntanlega beislinu fram af sér að sleppa.

Með reikningana í Vörðuna venjulega fer hún,

og Visakortaskiftinguna reglulega sér hún.

Karlinum hún hlífir og tíkallana telur,

í tilfallandi blankheitum bjórdósirnar selur.

Ef seilist hún til forystu, frekja er hún talin,

og framyfir í embættin er karlmaðurinn valinn.

Ef að hún er hógvær og heyrist sjaldan gjamma,

hana fyrir dugleysi einhverjir víst skamma.

Því getur verið vandasamt að vera bara  kona,

og varla myndu karlarnir sætta sig við svona.

En konur eru hetjur og heyrast sjaldan kvarta,

það hyllir líka óðar  undir framtíðina bjarta.

Karlpening til undaneldis þær ekki þurfa að nota,

já, ekki er víst við fáum hér okkar að ota okkar tota.

Því mannskepnuna vísindin vísast munu klóna,

þá verður ekki þörf fyrir Kalla eða Jóna.

Því ættum við nú, strákar mínir, stöðuna að laga,

strjúka okkar konum og þakka alla daga,

fyrir þeirra dugnað og umhyggju við okkur.

Ætli þeirri tillögu mótmæli hér nokkur,

að karlarnir á staðnum sem sjaldan heyrast þegja,

syngi núna kröftuglega Fósturlandsins Freyja.

Ég þakka áheyrnina og lýk hér ljóðamáli

og legg til að fyrir konunum allir núna skáli.

" Píkusögur" fluttar í Landnámssetrinu Borgarnesi....

Frábær flutningur á "Píkusögur" hjá nokkrum konum í Lionsklúbbnum Agla.

Ég og vinkona mín fórum í gærkvöldi að hlusta á leikritið "Píkusögur "en það var flutt af nokkrum

kjarnakonum hér í bæ og fóru þær allar á kostum.. og mikilli innlifun..

Mér fannst það ótrúlegt að ekki var nema einn karlmaður  á meðal áheyranda...merkilegt hvað karlmenn hér í Borgarnesi virtust hafa hafa lítinn áhuga á því hvað blessaðar "píkurnar" okkar hafa að segja.  Hann er greinilega eini alvöru karlmaðurinn hér í bæ

En það er kanski ekkert skrítið þar sem við konur virðumst ansi margar, samkvæmt þessum sögum

vita lítið um okkar eigin líkama...þá er ekkert skrítið að karlagreyin viti ekki mikið um okkur og starfsemi þessa lífæris okkar

kvenna..nema það að í "píkuna" sé hægt að troða lim inn í og að út um hana komi barn...

Ég og vinkona mín komust samt að raun um það að við værum bara í nokkuð góðu sambandi við blessaða píkuna okkar...eftir að hafa hlustað á þessar sögur...

Við vitum allavega hvar hún er og lítur út og hvernig hún virkar en það eru víst ótrúlega margar konur sem virðast ekki hafa hugmynd um það...

Kanski ástæðan sé sú að við erum með okkar kynfæri að miklu leyti "innbyggð"en karlarnir með sín kynfæri að mestu leyti utaná liggjandi...kanski það sé ástæðan fyrir því að karlar virðast "handleika" sitt líffæri í tíma og ótíma..þeir kanski þessvegna í nánara sambandi við sjálfan sig...

Fróðlegt væri að vita hvað hinar konurnar upplifðu eftir að hafa hlustað á sögurnar...

En mér fannst að það hefðu mátt vera fleiri sem hefðu komið til þess að hlusta á "Píkusögur" og jafnvel að það mátt  bjóða unglingum að koma og hlusta.

Ég fór að pæla í því hvort að þetta væri ekki bara nokkuð góð aðferð við að kenna börnum og unglingum um þetta feimnismál sem kynfæri og kynlíf virðist vera í huga ansi margra.

Hafa kennsluna þá í svona söguformi sem sé "Píku" tal og "Tippa" tal..

En kanski sumir einstaklingar myndu líta á það sem "klám"  en það kanski lýsir einstaklingunum sjálfum best ..sem sjá ekkert annað en  klám í öllu...

Svo er það nú aftur önnur pæling.. en það er hvað er klám og hvað ekki.. 

Kanski að einhverjir sjái eitthvað klámfengið út úr þessumað mínu mati "listrænu" myndum...

En kanski það sé eins og með "list" .. 

Það sem einum finnst vera "list" finnst öðrum ekki og sama má segja um "klám.".

Það sé sem sé í augum áhorfandans sem "listin eða "klámið " sé í.

Ekki í því sem horft er á ...

Mínar hugmyndir að menntastefnu...

Í sambandi við grunnskóla sem allir eru jú skyldaðir til að vera í af ríkinu, þó svo sumir hætti fyrr en honum er lokið, oft vegna eineltis þó svo ýmsar aðrar ástæður séu líka fyrir hendi....

Það sem mér finnst rangt er þetta:

Það átti ALDREI að setja grunnskólana á sveitarfélögin, þar sem einstaklingurinn er SKYLDAÐUR af ríkinu til að vera í grunnskóla í 10 ár, þá á ríkið, sem er náttúrulega við öll sem búum hér á landi, þó svo oft látum við sem ríkið sé eitthvað batterí sem reki sig sjálft, að standa straum af þeim kostnaði, öll viljum við jú að börnin okkar mennti sig eða eins og sagt var í gamla daga "verði að manni."

Ef við viljum á einhvern hátt hafa jafnræði og jafnvægi, þá er menntun á jafnréttisgrundvelli óháð búsetu

og mannfægð eða vöntun á góðum kennurum, ekki tækið til þess að svo megi verða.

Annað sem mér finnst að mætti alveg skoða og ég tel að þegar upp verði staðið myndi skila þjóðarbúinu meiri arði en það er af þessum forsendum sem ég gef hér:

Það er mikið atvinnuleysi, ungt fólk fær ekki vinnu , það á ekki/hefur ekki réttinda til atvinnuleysisbóta ,hefur heldur ekki efni á að fara í skóla þó að vilji væri fyrir hendi.

Hvað haldið þið að þetta fólk komi til með að leiðast út í eða lenda í.?  Kanski vændi ? Dópneysla /sala.? Rán og innbrot.?

ER það þetta sem við viljum sjá?

Því hvar á liðið að fá peninga ef engin er vinnan og ekki hægt að fá bætur nema frá féló.

Það sem mér persónulega finndist réttara að gera því ég tel að það kæmi betur út fyrir þjóðfélagið í heild þegar upp yrði staðið er þetta:

Að ríkið myndi borga einstaklingum fyrir að vera í skóla eftir að grunnskólanámi lýkur.

Það myndi þýða það að þegar atvinnuástand batnar þá væru til einstaklingar sem eru menntaðir en ekki búnir að mæla göturnar og í ýmsu misjöfnu jafnt konur sem karlar.  Tel að það yrði ódýrara fyrir ríkið þegar til lengri tíma er litið.

Kæmi betur út fyrir alla og ríkið ( sem er við!!!!) ef farið yrði að borga nemendum " laun " það er að segja tilvonandi nemendum í fjölbraut, verkmenntaskóla og menntaskóla.

Þá tel ég að við myndum fá einstaklinga út í þjóðfélagið eftir að námi í framhaldsskóla lýkur sem síður hefðu leiðst út í óreglu og eitulyfjaneyslu og annað miður gott.

Ég á einungis við að þetta yrði gert til þess að viðkomandi komist í framhaldskóla eftir að grunnskóla lýkur.

Sumir myndu að vísu líta á það sem ágæta vinnu að vera endalaust í skóla og falla kanski reglulega í þessu eða hinu til að vera " áfram á launum " en stúdentinn og verkmenntabrautir eru síður til þess fallnar að ofnota það.

Það eru nú ansi margir eilífaðarstúdentar í háskólum bæði hér og annars staðar og tel ég að ef að þeir fengu laun á meðan sé ekki rétt.

En það er alltaf meiri hætta á að einstaklingar leiðist út í þetta sem ég taldi upp ef viðkomandi hefur hvorki vinnu eða er í námi. Það þurfa allir að fá útrás fyrir sína orku sem öllu jöfnu fer í nám og vinnu en ef þú hefur hvorugt þá fer hún bara í eitthvað miður gott. Má kanski líkja þessu við þetta " betra er slæm athygli en engin".

Þessir einstaklingar myndu síður leiðast út í það sem ég taldi upp fyrr og þetta fólk yrði þjóðfélasvænni þegn heldur en sá sem hvorki hefur haft menntun eða vinnu. 

Það nefnilega kostar ekkert smá fyrir ríkið afleiðingarnar af afbrotum,  hvaða nafni sem þau nefnast, sem skapar þörf á stærri fangelsum, fleiri meðferðarheimili fyrir þá sem lenda í eiturlyfjaneyslu, meiri félagslegan og fjárhagslegan stuðning fyrir þá sem leiðast út í vændi og meiri lyfja og lækniskostnaður myndi örrugglega verða líka.

'Eg tel að það myndi spara stórlega til lengri tíma litið og við eiga til fólk sem gæti gengið inn á vinnumarkaðinn þegar atvinnuástand yrði gott, þegar það kæmi nú þetta svokallaða góðæri..fyrir alla...

 Þeir sem eru búnir að vera án atvinnu í langan tíma, hafa jafnvel aldrei fengið vinnu eftir að grunnskóla er lokið, eru ekki einstaklingar sem vinnuveitendur vilja fá í vinnu því miður.

Atvinnurekendur vilja heldur ekki einstaklinga sem eru búnir að vera á atvinnuleysisbótum lengi. Þetta fólk gengur ekki fyrir í vinnu, ég hef verið í fyrirtækjarekstri og þó að vantaði mannskap þá var það ekki fólkið sem var búið að vera á atvinnuleysisskrá lengi sem þú vildir fá í vinnu. Þú leitaðir annars staðar fyrst, áður en þú fórst að skoða þá sem eru skráðir á atvinnuleysisskrá.

Þá myndu atvinnurekendur frekar leita eftir erlendu vinnuafli.

En þetta er jú bara mín hugmynd um hvernig þjóðfélagið megi breytast, til hins betra að mínu mati, þegar á heildina er litið.