Fjöllyfjun á börnum í USA á uppleið, það sama á við hér á landi....

Fjöllyfjun á börnum í USA á uppleið(hér á landi líka)...
(2005-08-02)
http://i-newswire.com/goprint39639.html
Providence RI – Fjöllyfjun barnalækna, sú iðja að skrifa upp á tvö eða fleiri lyf handa börnum sem eru með geðsjúkdómaeinkenni, er á uppleið í Bandaríkjunum, sem vekur upp áhyggjur um óþekktar aukaverkanir, samkvæmt nýrri rannsókn sem birtist í ágúst hefti tímaritsins Psychiatry 2005.

Þetta er tvísýnt málefni –
það er ekki óalgengt að finna börn á þunglyndislyfi, lyfi við geðsveiflum og svefnlyfjum á sama tíma, en það eru engar rannsóknir til sem sýna hvernig virkni þessarra lyfja er hvort á annað  (vixilverkun) segir  Joseph Penn MD barnageðlæknir læknir hjá Bradley Hasbro Children´s Reasearch Center (BHCRC ) í Providence, RI og Læknaskóla Brown.

Rithöfundarnir skoðuðu 10 ára fræðigreinar sem fjalla um fjöllyfjun innan barnalækna geirans, og fundu það út þegar allar rannsóknirnar voru bornar saman, að aukning á uppáskriftum hafði orðið innan stéttarinnar.

Hvað sem því líður, þá vara höfundarnir við að það séu næstum engar rannsóknir til eða skjalfestar heimildir, sem réttlæta uppáskriftir að margþættri lyfjagjöf vegna geðraskana hjá börnum.
Samkvæmt rannsókninni var algengasta samansetningin örvandi lyf eins og methylphenidate

(Ritalin) eða dextroamphetamine (Dexedrine, Aderall) venjulega notað til að meðhöndla ADHD ásamt öðrum geðlyfjum.

Annar þáttur sem stuðlað hefur að aukinni áhættu í sambandi við uppáskrift margvíslegra lyfja, eru lyf sem að eru ekki samþykkt af FDA (fæðu og lyfjaeftirliti Bandaríkjanna) ætluð til meðhöndlunar geðraskana hjá börnum.

"Til dæmis eru eins frábrugðin lyf og Risperdone stundum notuð til að meðhöndla sálræn vandamál og árásargirni hjá börnum, en flest af þessum lyfjum eru ekki viðurkennd af FDA til notkunar við geðsjúkdóma einkennum hjá aldurs hópnum sem fellur undir barnalækningar,"sagði samhöfundur Henrietta Leonard, MD, Bradley Hasbro Children´s Reasearch Center (BHCRC) barnageðlæknir vegna þess að það vantar upplýsingar um áhrif og örugg gögn sem að styðja það hvað sé algengt innan læknastofa..

Vegna þess hversu lítið er til af upplýsingum um virkni einfaldrar lyfjagjafar hjá barnalækna aldurs hópnum, þá lýsa höfundarnir miklum áhyggjum yfir aukinni marglyfjun sem geti haft alvarlegar afleiðingar í för með sér.

“ Nýlega vakti FDA máls á því hvort það gæti verið tengsl milli notkun þunglyndislyfja hjá börnum og sjálfsmorðshugsana – ef að það eru svona miklar áhyggjur af áhrifum einu lyfi, hversu hærri er hún þá ekki ef um uppáskriftir margþættra lyfja er að ræða.?" segir Penn.

Höfundarnir eru að vísa til barna sem voru á tvennskonar lyfjum við ADHD, sem létust skyndilega, og höfðu stuttu áður skýrt frá svokölluðum serotonin einkennum, alvarlegum og banvænum sjúkdóm, sem getur orsakast af því að börnin eru að fá tvö lyf með serotonískum eiginleikum.
Þýðandi Agný.

P.S.

Held að það sé kominn tími til að foreldrar pælum aðeins meira í því hvað við leyfum doktorunum að troða í börnin okkar!

Ábyrgðin er jú okkar þegar upp er staðið...

Þroskasaga karlkynsins á hinum ýmsu tugum :-)

Þó að bondadagurinn sé rétt liðinn þá varð ég bara að setja þetta hér

Rakst á þetta hér sem rekur þroskasögu karla í bundnu máli en eftir hvern það er veit ég ekki .

 

1.

Barnaskólaárin eru mörgum fersk í minni

því miklar verða breytingarnar á líkamsstarfseminni.

Mörgum fer þá bráðlega að leiðast lestrarstritið

þá læðist gjarnan inn í kroppinn fyrsta hvolpavitið  .

 

2.

Svo í kringum fermingu þá fá menn bassaróminn

og finnast þeir vera tilbúnir til að kenna leyndardóminn.

En þetta er oftast klúður og klaufalegir fundir

því kynlífið á líka sínar raunalegu stundir   .

 

3.

Fram að tvítugsaldri er talsvert um að vera

taumleysið er algert og mikið oft að gera.

Núna er það fjöldinn sem mestu skiftir

og mörgu Grettistaki lyftir  .

 

4.

Frá tvítugu til þrítugs blómstrar lífsins leikur

löngunin er stöðug og andi holdsins veikur.

Þú lætur eins og knapi á ljónfjörugum hesti

þig langar að gera það á klukkutímafresti  .

 

5.

Frá þrítugu til fertugs eru gjarnan góðar stundir

geysilegur vilji og margir ástarfundir.

Af talsvert meiri nákvæmni þú tilfinningar metur

þú treinir þetta lengur, þu gerir þetta betur  .

 

6.

Síðan næsta tímabil fram að fimmtugsaldri

finnst þér alveg sjálfsagt að beita nýjum galdri

kroppurinn er fullur af fiðringi og vonum

þú ferð að vilja sofa hjá miklu yngri konum  .

 

7.

Þessi löngun fylgir þér fram á sextugsaldur

þér finnst þú vera töffari og svakalega kaldur.

Um sextugt fer að hrella þig viðsjáll vöðvaslaki

þú verður oftar þreyttur og tollir illa á baki  .

 

8.

Um sjötugsaldur finnst þér aftur fjörið vera að lægja

þú ferð nú yfirleitt að láta gömlu brýnin nægja.

Það miðar hægt ef vindurinn stendur beint í stefnið

þú stundar þetta bara til að halda þér við efnið  .

 

9.

Um árætt virðist sjálfsagt að hafa hug á konum

í hjartanu er ylur og löngunin að vonum.

þér finnst það slifta máli hjá meyjunum að vera

en mannst stundum ekki hvað þú ætlaðir að gera  .

 

10.

Eftir þennan tíma er löngun best að leyna

og láta ekki glepjast þó konan vilji reyna.

Í átökunum getur sálin gengið öll úr lagi

þú gætir orðið bráðkvaddur úr elli"reiðar"slagi. 

 

Þá vitum við það hvernig karlar eru á öllum áratugum

munum það svona á góðum stundum

og á hinum ýmsu fundum 

Kveðja Agný.

90% af ungabörnum eru sett á lyf sem ekki eru ætluð þeim.

Ungbörnum og börnum eru gefin lyf sem ekki hafa verið samþykkt til notkunar fyrir þann hóp, samkvæmt rannsókn sem framkvæmd var í Bretlandi.

 

Þegar “viðeigandi valkostur ” var ekki til, notuðu læknar “óheimil” eða “óskráð” lyf á þessum stöðum:
90% ungabarna á nýburadeildum
70% baran á barnadeildum
Tveim þriðju af börnum á almennum barnalækna-og barnaskurðlækna deildum í UK.

Tvær rannsóknir gefa til kynna að þau börn sem taki þessi lyf séu í meiri hættu (en fullorðnir ) af völdum aukaverkana.
Eitt mat gaf til kynna að þessi aldurshópur upplifi 3 sinnum meiri aukaverkanir af völdum lyfjanna.

 

Hluti af vandamálinu er sá að ekki er gert ráð fyrir skömmtum fyrir börn.

Upplýsingum um það hvernig börn bregðast við eftir lyfjatökuna, og hverjar aukaverkanirnar eru, er ekki safnað saman.

 Ninety Percent of Babies Given Off-Label Drugs

http://www.mercola.com/2005/sep/22/ninety_...label_drugs.htm
Telegraph September 7, 2005
http://www.telegraph.co.uk/connected/main..../ecndrugs07.xml
Could Children's Motrin Make Your Child Blind?
http://www.mercola.com/2005/jan/12/motrin_blind.htm
Medical News Today December 29, 2004

http://www.medicalnewstoday.com/medicalnews.php?newsid=18453

Þýðandi Agný.

FANGAFLUGIÐ sem bandarísk stjórnvöld sögðu að hefði aldrei átt sér stað.

Það er ekki svo langt síðan að var verið að fjalla um  fangaflug, þar sem væri verið að fljúga með þá sem bandarísk stjórnvöld töldu að tengdust 9/11 og/eða hryðjuverkum/sellum, hingað og þangað um heiminn, á sérvalda staði til yfirheyrslu (og pyntinga).

 

Íslensk stjórnvöld könnuðust heldur ekkert við neinar millilendingar af þessum vélum hér á landi,
en miðað við það sem fram kemur hér, þá verð ég að segja að ég kaupi það ekki..

Gondoleza "Grjóna" ..lýgur blákalt þarna .. jæja ..gefum greyjunum smá séns... hinir geta líka verið að ljúga.,..

En eitt er augljóst og það er að einhver er að því!

En horfið á þetta tæplega 30 min langa video og dæmið svo sjálf.

FANGAFLUGIР.

http://www.videos1.informationclearinghouse.info/video/outlawed100.wmv

En það eru ekki fallegar lýsingar þarna.
Agný.

Hæfileikaríkir og skapandi einstaklingar...Fá þeir notið sinna hæfileika eins og kerfið er í dag?

Þetta  er alveg ótrúlegt að sjá!

Beautiful mind

 

En gleðilegt að sjá hvað þessir einstaklingar eru oft með alveg frábæra og sérstaka hæfileika sem þeir fá því miður alltof sjaldan að koma á framfæri.

Þessum einstaklingum er alltof sjaldan gefið færi á að sýna eða nýta þessar sérgáfur sem þeir búa yfir. Það eiga jú helst allir að vera steyptir í sama kefis karla boxið .

Þjóðfélagsþengarnir eiga helst allir að vera á einhverri "meðal tals " kúrfu eða falla undir eitthvað "norm" sem einhverjir mis velgefnir einstaklingar hafa búið til...

Það má sko enginn skara fram úr þeim sem búa til þessa viðmiðun sem segir að maður sé undir eða yfir meðaltalinu...Þá er maður sko "greindur" eitthvað...einu sinni var það nú að vera "greindur" sama og það að vera "gáfaður" ..

En það er alveg ótrúlegt að horfa á þetta video hér og sýnir það best að allir búa yfir einhverjum hæfileikum en því miður fá ekki allir færi á að nota þá eða sýna fram á að þeir hafi þá.

Guð sé lof að ekki var búið að finna upp ADHD og ADD þegar Einstein var í skóla..Hann féll í stærfræði og var rekinn úr skóla.

Hefði hann verið barn í dag þá hefði hann verið í flokki þeirra sem "greindir" eru ADHD og ADD og

látinn bryðja Ritalin..

Það er sko engin hætta á því að við eigum eftir að eignast svona snillinga og uppfinningamenn i dag eða framtíðinni eins og Einstein, Edison, Da Vinci, og fleiri má nefna ..þeir yrðu allir settir á Ritalin.

En þetta video hér er alveg must að horfa á því okkur hættir alltof oft að einblína á það hvað einstaklingurinn "getur ekki" í staðinn fyrir að horfa á það sem "hann getur" og virkja það!.

Það er sagt að þessi einstaklingur sé mild autisc  (vægt einhverfur ) en ég tel að réttara sé að hann sé með Asperger syndrome (miðað við mína þekkingu á Asperger út frá syni mínum og fleirum) sem er inni á þessarri  blessaðri skilgreiningu autism../einhverfa
Þeir sem eru með Asperger syndrome hafa yfirleitt rosalega sterkt sjónminni og oft alveg ljósmyndaminni, en það á akkúrat við um þennan einstakling.
En horfið á myndina, hún er hreint ótrúleg og segir meira en mörg orð.

Kv.Agný

Bush karlinn er greinilega ekki eini heimskinginn þarna í " Ameríkunni " en fyrr má nú rota en dauðrota .

Svei mér þá..ekki hélt ég að kaninn væri almennt svona fáfróður ja eða hreinlega heimskur eins og kemur fram hér á videoinu....
Bush karlinn er greinilega ekki eini heimskinginn þarna í "Ameríkunni".. en fyrr má nú rota en dauðrota
Og að þetta sé liðið sem telur sig vera mest og best allra í heiminum er nú bara skelfilegt ..

ja og hjá sumum virðist nú "heimurinn" ekki ná út fyrir fylkið sem viðkomandi býr í ..
Hvað þá að liðið viti hvar Iraq er á kortinu...merkilegt að styðja innrás í land sem viðkomandi hefur ekki hugmynd um hvar er í heiminum 
En horfið á þetta video...það er eiginlega ekki fyndið einu sinni.. frekar grátbroslegt....en eiginlega SCARY....

Chasers War On Everything - Americans

http://www.youtube.com/watch?v=HCkYfYa8ePI
Agný.

Hitt og þetta........

Jæja...þá er ég búin að fara í heilsubóta gönguna mína en það er að labba með Fréttablaðið.

Það var/er bölvaður vindsperringur þannig að maður var eiginlega komin með sultardropa og eins og nálapikk í fésið þegar maður var búinn...

Fór að vísu ekki snemma af stað eða ekki fyrr en um 7 sem er jú kanski í lagi á sunnudögum en ekki aðrar daga.. Merkilegt hvað fólk sem fussaði og sveiaði yfir að farið væri að "troða" Fréttablaðinu á það, hvartar ef að blaðið er svo ekki komið inn um lúguna kl 7 á morgnana...En það er svo sem alltaf hægt að finna eitthvað til að kvarta yfir...

Varð að vísu að fara á bílnum núna því að blaðavagninn er sko ekki gerður fyrir íslenskan vetur... og ekki treysti ég mér til að rogast með um 130 blöð á öxlunum.

Ekki get ég hælt þeim sem ryðja göturnar ónei...Alveg einstaklega lagnir við að ryðja fyrir allar innkeyrslur og upp á gangstéttir...

Held að þurfi að hafa námskeið fyrir þá sem eru í snjómokstri, allavega fá  þeir sem sjá um að ryðja göturnar hér ekki góða einkunn...

Þannig að maður er eiginlega að "klofa" en ekki "labba" með blaðið..

Ég ætla sko ekki að lenda í því sama og í fyrravetur en þá eyðilagði ég pústkerfið á bílgarminum vegna þess hvernig hafði verið rutt... Þar með voru mánaðarlaunin fyrir blaðaburðinn farin...

Svo mætti fólk alveg vera duglegra að hreinsa tröppur og göngustíga hjá sér... Ansi oft sem maður er við það að stingast á hausinn vegna erfiðs aðgengis...

Það verður fjör þegar hlánar aftur ..þá skautar maður með blaðið...Þá vil ég nú frekar snjóinn..Þannig..Aldrei hægt að gera manni til hæfis...

Nú ætla ég að fara að lesa, skrifa og þýða og kommenta hjá blogg vinum mínum...og takk fyrir kommentin ykkar.

Vona að þið getið  bæði haft gagn og gaman af þessu pári mínu...Þó svo kanski ég sé mis dugleg að skrifa...

Kv. Agný.

Hvað er "blogg" í rauninni?

Er það það að maður skrifi um daginn og veginn og svona það sem almennt á daga manns drífur?

Er það að skrifa bara um politík? 

Eða er það skrifa svona "bland í poka"?

Ég hef aðeins verið að skoða hvernig fólk skrifar og það virðst vera að fólk skiftist í tvo hópa..

Þá sem skrifa bara um politík og þá sem skrifa um sín fjölskyldu og dægurmál.

Mér finnst ég stundum passa með þessum hópnum ..svo hinum.. stundum báðum...

En svo hvorugum..( er svo sem ekkert óvön því að fitta hvergi).

Ég er  vön að skrifa á spjallborð og hef verið slatta í því að þýða fréttir og greinar, þó svo ég skrifi líka mikið frá eigin brjósti..ja hafi gert allavega..

En núna er ég eiginlega lost..eða  "áttavillt".

Svo uppgötva ég það að ég kvitta hjá ykkur öllum eða flest öllum eins og þegar ég væri að svara á spjallborði... þannig..oft huge lesning...vona að þið fyrirgefið mér það....

En út frá þessum pælingum mínum um það hvað þetta "blogg" er eiginlega þá hef ég ákveðið að mín skrif verða í bland þýddar greinar (kanski búnar að birtast annarsstaðar) og ýmis málefni  eins og ég sé þau eða hef upplifað.. ( hef af nógu að taka þar )....

En þetta allt spannar ansi marga málaflokka ef út í það er farið...ja ..þið getið séð hvaða flokkar það eru ef þið hafið áhuga á hér inni http://www.alvaran.com 

Ég hef gaman af því að pæla í öllu mögulegu og ómögulegu ..mamma sagði að ég hefði alveg slegið "Aravísunum" við.. ,, afi afhverju er eldurinn heitur".. það er sko akkúrat ég...

Guð sé lof að ég er ekki barn núna ..ég hefði verið sett tripple skammt af ritalin...maður verður ekki vinsæll hjá kennurum ef maður er síspyrjandi og manni finnst þeir aldrei geta svarað sér af neinu viti...og alls ekki vita meir en þeir...

En áður en ég verð komin út í eitthvað allt annað en upphafið var..þá segi ég

The End..

Mínar hugmyndir að menntastefnu...

Í sambandi við grunnskóla sem allir eru jú skyldaðir til að vera í af ríkinu, þó svo sumir hætti fyrr en honum er lokið, oft vegna eineltis þó svo ýmsar aðrar ástæður séu líka fyrir hendi....

Það sem mér finnst rangt er þetta:

Það átti ALDREI að setja grunnskólana á sveitarfélögin, þar sem einstaklingurinn er SKYLDAÐUR af ríkinu til að vera í grunnskóla í 10 ár, þá á ríkið, sem er náttúrulega við öll sem búum hér á landi, þó svo oft látum við sem ríkið sé eitthvað batterí sem reki sig sjálft, að standa straum af þeim kostnaði, öll viljum við jú að börnin okkar mennti sig eða eins og sagt var í gamla daga "verði að manni."

Ef við viljum á einhvern hátt hafa jafnræði og jafnvægi, þá er menntun á jafnréttisgrundvelli óháð búsetu

og mannfægð eða vöntun á góðum kennurum, ekki tækið til þess að svo megi verða.

Annað sem mér finnst að mætti alveg skoða og ég tel að þegar upp verði staðið myndi skila þjóðarbúinu meiri arði en það er af þessum forsendum sem ég gef hér:

Það er mikið atvinnuleysi, ungt fólk fær ekki vinnu , það á ekki/hefur ekki réttinda til atvinnuleysisbóta ,hefur heldur ekki efni á að fara í skóla þó að vilji væri fyrir hendi.

Hvað haldið þið að þetta fólk komi til með að leiðast út í eða lenda í.?  Kanski vændi ? Dópneysla /sala.? Rán og innbrot.?

ER það þetta sem við viljum sjá?

Því hvar á liðið að fá peninga ef engin er vinnan og ekki hægt að fá bætur nema frá féló.

Það sem mér persónulega finndist réttara að gera því ég tel að það kæmi betur út fyrir þjóðfélagið í heild þegar upp yrði staðið er þetta:

Að ríkið myndi borga einstaklingum fyrir að vera í skóla eftir að grunnskólanámi lýkur.

Það myndi þýða það að þegar atvinnuástand batnar þá væru til einstaklingar sem eru menntaðir en ekki búnir að mæla göturnar og í ýmsu misjöfnu jafnt konur sem karlar.  Tel að það yrði ódýrara fyrir ríkið þegar til lengri tíma er litið.

Kæmi betur út fyrir alla og ríkið ( sem er við!!!!) ef farið yrði að borga nemendum " laun " það er að segja tilvonandi nemendum í fjölbraut, verkmenntaskóla og menntaskóla.

Þá tel ég að við myndum fá einstaklinga út í þjóðfélagið eftir að námi í framhaldsskóla lýkur sem síður hefðu leiðst út í óreglu og eitulyfjaneyslu og annað miður gott.

Ég á einungis við að þetta yrði gert til þess að viðkomandi komist í framhaldskóla eftir að grunnskóla lýkur.

Sumir myndu að vísu líta á það sem ágæta vinnu að vera endalaust í skóla og falla kanski reglulega í þessu eða hinu til að vera " áfram á launum " en stúdentinn og verkmenntabrautir eru síður til þess fallnar að ofnota það.

Það eru nú ansi margir eilífaðarstúdentar í háskólum bæði hér og annars staðar og tel ég að ef að þeir fengu laun á meðan sé ekki rétt.

En það er alltaf meiri hætta á að einstaklingar leiðist út í þetta sem ég taldi upp ef viðkomandi hefur hvorki vinnu eða er í námi. Það þurfa allir að fá útrás fyrir sína orku sem öllu jöfnu fer í nám og vinnu en ef þú hefur hvorugt þá fer hún bara í eitthvað miður gott. Má kanski líkja þessu við þetta " betra er slæm athygli en engin".

Þessir einstaklingar myndu síður leiðast út í það sem ég taldi upp fyrr og þetta fólk yrði þjóðfélasvænni þegn heldur en sá sem hvorki hefur haft menntun eða vinnu. 

Það nefnilega kostar ekkert smá fyrir ríkið afleiðingarnar af afbrotum,  hvaða nafni sem þau nefnast, sem skapar þörf á stærri fangelsum, fleiri meðferðarheimili fyrir þá sem lenda í eiturlyfjaneyslu, meiri félagslegan og fjárhagslegan stuðning fyrir þá sem leiðast út í vændi og meiri lyfja og lækniskostnaður myndi örrugglega verða líka.

'Eg tel að það myndi spara stórlega til lengri tíma litið og við eiga til fólk sem gæti gengið inn á vinnumarkaðinn þegar atvinnuástand yrði gott, þegar það kæmi nú þetta svokallaða góðæri..fyrir alla...

 Þeir sem eru búnir að vera án atvinnu í langan tíma, hafa jafnvel aldrei fengið vinnu eftir að grunnskóla er lokið, eru ekki einstaklingar sem vinnuveitendur vilja fá í vinnu því miður.

Atvinnurekendur vilja heldur ekki einstaklinga sem eru búnir að vera á atvinnuleysisbótum lengi. Þetta fólk gengur ekki fyrir í vinnu, ég hef verið í fyrirtækjarekstri og þó að vantaði mannskap þá var það ekki fólkið sem var búið að vera á atvinnuleysisskrá lengi sem þú vildir fá í vinnu. Þú leitaðir annars staðar fyrst, áður en þú fórst að skoða þá sem eru skráðir á atvinnuleysisskrá.

Þá myndu atvinnurekendur frekar leita eftir erlendu vinnuafli.

En þetta er jú bara mín hugmynd um hvernig þjóðfélagið megi breytast, til hins betra að mínu mati, þegar á heildina er litið.

12. MERKI UM FASÍSKT STJÓRNARFAR.

Ákvað að setja þetta hérna því að mér finnst ansi mörg vestræn ríki, vera komin með dulbúið  fasista stjórnarfar.  Þar fara að vísu Bandaríkjamenn fremstir í flokki..en við fylgjum þeim að vísu fast á eftir..eins og hundurinn sem eltir húsbóndann...En dæmi hver fyrir sig ...

 

 

1. Upprifinn Þjóðerniskennd.
Fasista stjórn hættir til að nota stöðugt þjóðrækna ímynd, slagorð og merki-

Þjóðfáninn er allstaðar opinberlegur.

Yfirgangur heimastjórnarinnar er aftur útskýrður sem hlutskifti / örlög – óbeðnum mikilleika þröngvað upp á þjóðina með sagnfræði.
Það er þetta sérkennilega megin inntak ábyrgðartilfinningar sem að núna vekur fyrst og fremst upp fascista ríki, þrátt fyrir undanfarandi þvinganir, ekki lengur bundin af alþjóða-skuldbindingum, milliríkja samningum eða lögum.

2. Borið kennsl á óvininn.
Þessi þjóðerniskennd er þekkt sem eining gegn óvininum –

Almenning er safnað saman, sameinaðir í föðurlandsást og/eða gegn einhverri sameiginlegri ógn: 

Kommunistum, frjálslyndum, kynþáttum, þjóðfræðislegum eða trúarlegum minnihlutahópum,  þeim sem eru meira menntaðir, samkynhneigðum, hryðjuverkahópum o.s. frv.
Skilaboð fylkisins eru stundum sett fram á þann hátt að sem auðveldast er að bera kennsl á trúarlega þemað. 

Þótt ótrúlegt sé þá er þetta tungumál notað jafnvel þegar kenningin sýnir til fullnustu að merkingin sé gjörsamlega hið gagnstæða. 

Allur ágreiningur er skilgreindur sem“ tekur afstöðu með óvininum”, og þessvegna landráðamaður.

3. Réttindi hverfa.
Lítisvirðing fyrir mann- og sjórnmálalegum réttindum-

Fasista stjórnarfar hlúir að tilbúnu óttakenndu andrúmslofti af ásettu ráði, með því að magna upp stress og hræðslu. 

Borgaranir fyllast eðlilega þörf fyrir öryggi og eru auðveldlega taldir á að hunsa misþyrmingu, allt  í nafni öryggis. Þeir fáu sem enn efast, verða fyrir yfirgangi og rógburði með þvingandi aðgerðum.

Lagaleg réttindi, ef að einhver eru enn til staðar, eru notuð til kúga fólk til samþykktar möglunarlaust, mætt með einstaka formlegri mótspyrnu.
Dómskerfinu hættir til að verða aðgerðarsinni til stuðnings sjónarmiða ríkisins.
Almenningur horfir oftast framhjá eða jafnvel samþykkir af ákafa að réttindi séu afnumin. Hugtakinu um einstaklingsbundin grundvallar réttindi, er skift út gegn loforðum alræðis ríkisins um öryggi.

 

4. Launungar krafist.
Þráhyggja í sambandi launung og þjóðaröryggi-

Störf stjórnvalda verða í auknum mæli falin.

Dregið er úr efasemdum í sambandi við hið opinbera. Frá skrifstofu tali við vatnskælinn og upp allan valdastigann, kemur varfærni í máli og launung  að lokum sjálfkrafa. Vandræða spurningar eru þaggaðar niður og allt umhverfið sætir nákvæmri rannsókn af einni ástæðu, “ þjóðaröryggi”.

 

5. Hervald lofsungið.
Yfirburðir hervalds-

 

Stofnsetning hervalds fær í röngu hlutfalli, hlut af auðlinda lögsögu ríkisins,jafnvel þannig, að brýnar þarfir fjölskyldunnar eru vanræktar. 

Þetta tryggir tilgang bæði til vegsamdar opinberlega, sem og skarprar viðvörunar, gegn mögulegum óróa borgaranna, það að veldi ríkisins er nálægt, tilbúið til að nota sína stórkostlegu yfirburði til ofbeldis.

 

6. Fyrirtækjum hlíft.
Vald fyrirtækjanna  verndað –

 

Að jafnaði spilar þáttur viðskiftajöfra stóran hlut í því að koma fasistum að í stjórn landsins, oft með  óþverra  brögðum. 

Þetta “hjónaband” mikilla auðæfa og grófs ofbeldis, telja sagnfræðingar að sé aðalsmerki og uppistaða fasista. 

Þegar þetta  viðskifta- ríkisstjórnar – hervald sameinast, verður augljós sú ógn sem stafar af launþega samtökum.. 

Verkalýðsfélög og stuðnings samtök þeirra eru annað hvort innlimuð fullkomlega eða vægðarlaust bæld niður og upprætt eins fljótt og mögulegt er.

 

 

7. Spilling látin viðgangast.
Siðspilling fær að vaxa hömlulaust-
Fasista ríki halda utan um vald sitt í gegnum tiltölulega litla hópa sem hafa sameinast, sem kjósa eða útnefna hvern annan innbyrðis í stjórnunarstöður í ríkisstjórninni, viðskiftum eða hernum.

8. Fjölmiðlum stjórnað.
Eftirlit með fjölmiðlum –
Stundum er fjölmiðlum stýrt beint af ríkisstjórninni af klaufalegum undirtyllum.
Á öðrum tímum eru það viðkunnalegir innanfélagsmenn sameiginlegs fjölmiðils sem að mótar stefnuna óbeint og þess vegna faglegri.

Reglulega eru ímyndanir/myndir spunnar upp sem “fréttir” og eru kynntar með öndina í hálsinum og með leiftrandi fyrirsögnum.

Æfð þula af fastheldinni endurtekningu gerir jafnvel augljósustu lygi mjög ásættanlega með tímanum.
Með ásetningi verður málfarið sjálft og starfsfólkið ákaflega samdauna og mun framfylgja því að ýta almennum skoðunum “ út úr aðal umræðunni”.
Allar umræður sem eftir eru, lúta skilmálum og eru naumlega útskýrðar, til hagsbóta fyrir stjórnina. 

Auðveldara verður að hafa yfirsýn með þeim sem eru ósammála og frábrugðnir.
Ritskoðun og “sjálfs-ritskoðun“, sérstaklega á stríðstímum er algeng.

9.Stjórnlaust kynjamisrétti.
Stjórnlaust kynjamisrétti-
Ríkisstjórnum fasista ríkja hættir til að vera svo til alger karlaveldi.

Hefðbundnar kynjaímyndir eru skapaðar og  jafnvel gerðar enn strangari og ýktari.
Fordæming fóstureyðinga og samkynhneigðar, er yfirleitt innrætt á breiðum grundvelli í stefnumálum.

10.Menntafólk kúgað.
Fyrirlitning á velgefnum einstaklingum –
Fasista ríkjum hættir til að skapa öfgakennt og óvinveitt umhverfi gegn almennum gagnrýnum skoðunum, sérstaklega akademískum.
Hugmyndafræðilega rekin “ vísindi” eru hafin til metorða og styrkt rausanarlega, á meðan framsetning sem samræmist ekki sjónarmiðum ríkisins er fyrst hunsað, síðan véfengt og gert að athlægi og að lokum rutt í burt.
Það er ekki óalgengt fyrir akademíur að þær séu þvingaðar til að ráðast á vinnu samstarfsmanna sinna.
Ritverk eru ritskoðuð; kennarar reknir og handteknir.
Frjáls listræn túlkun í verkum er ráðist á opinberlega, það sem til er, talið óþjóðernislegt og oft eyðilagt opinberlega.

11. Lögreglan hervæðist.
Þráhyggja í sambandi við glæpi og refsingu –
Fasista ríki eru oft gjörn á að líta framhjá misþyrmingu lögreglu og fórna réttindum borgaranna í nafni þjóðerniskenndar.

Langar fangelsisvisstir fyrir það eitt að móðga stjórnmálamann, pyntingar og síðan aftökur eru fyrst "óþægindi" sem er látið  viðgangast, og verður að lokum litið á sem reglu. 

Oft er alríkislögreglunni veitt ótakmarkað vald til að snuðra/njósna um borgarana
Eftirlitskerfi og uppljóstrarar eru hafðir í vinnu, bæði til að fylgjast með samkomum mennntafólks og eins til þess að einangra nágranna og samstarfsmenn og skapa vantraust þeirra á milli.

12. Atkvæðum stolið.
Fölsuð atkvæði –
Í ringulreiðinni sem skapast þegar fasistar eru að rísa upp til valda, þá verður kosninga umhverfið verulega ruglandi, spillt og hagrætt.

(Innskot Agný..Minnir á "svokallaða" kosningu Bush 2000. ). 

Það er rísandi opinbert vantraust yfir því sem almennt er talið vera fölsuð og hagrædd atkvæði með áhrifamætti peninga, greininlegrar hlutdrægni fjölmiðla, rógburða herferðum, hagræðingu atkvæða, dóms íhlutun, þvinganir, eða afdráttarlaust úthlutað stjórnunarstöðum.
Fasistar við völd hafa verið þekktir fyrir að nota þessa ringulreið sem réttlætingu til að fresta
kosningum um óákveðinn tíma.
Þýð. Agný.

 

 12 warning signs of fascism

https://washingtonmonthly.com/2017/01/31/the-12-early-warning-signs-of-fascism/

 

The 14 Defining Characteristics Of Fascism

https://rense.com/general37/fascism.htm

 

https://ratical.org/ratville/CAH/fasci14chars.html

WHAT IS FASCISM: IS THERE ANY FASCISM LEFT?

http://www.aetherometry.com/Electronic_Publications/Philosophy/AS1-06/AS1-06.html 

                             FascismUSA.com
Where Big Corporations Have Become Our Government -

  http://www.fascismusa.com/